د حج د قرآني حفظ په سیالیو کې د مصر د یوه حافظ ځلیدا
ایکنانیوز د صدی البلد له قوله لیکلي دی، دا سیالۍ د حرمین شریفین، مسجد الحرام او مسجد النبي (ص) د تولیت له خوا جوړې شوې وې او د نړۍ د بېلابېلو هیوادونو د حج زیارتوالو لپاره ځانګړې شوې وې.
په دغو سیالیو کې له زرو زیاتو حاجیانو او زیارتوالو ، چې د حج د مراسمو لپاره سعودي عربستان ته تللي وو، برخه اخیستې وه. حماده محمد السید خطاب، چې د الازهر اسلامي مرکز حافظ او د طنطا په الازهر پوهنتون کې د قرآني قرائاتو او علومو د پوهنځي غړی دی، په دغو سیالیو کې یو له غوره کسانو څخه و، چې د قرآن کریم د بشپړ حفظ په رشته کې غوره اعلان شو.
هغه، چې د الازهر د اسلامي څیړنو د مجمع د قرآن د بیاکتنې کمیټې غړی هم دی، لخ صدایی البلد خپرونې سره په خبرو کې د خپلې بریا خبر ورکړ. نوموړي وویل: په دغې سیالۍ کې ځانګړي رتبه بندي نه وه اعلان شوې او ټول غوره کسان په مساوي توګه وستایل شول.
د حج په شپو ورځو کې د مسجد الحرام د قرآن سیالیو په ټولو لومړنیو څانګو کې ټولټال ۱۸ غوره کسان وو، چې حماده محمد السید خطاب یوازینی مصري ؤ، چې د قرآن کریم د بشپړ حفظ په برخې کې ئې بریا ترلاسه کړه. د دغو سیالیو غوره کسانو ته د ستاینې او نازونې په دستورو کې د یادبود سمبولیک انعامونه ورکړل شول ، او د مسجد الحرام امام جماعت، شیخ ماهر المعیقلي، د سعودي عربستان د حرمین شریفین د تولیت په استازیتوب غوره کسانو ته انعامونه ورکړل.
د قرآن کریم بشپړ حفظ، د نیمایي قرآن حفظ، او د خدای د کتاب تعلیم او تلاوت د دغې سیالۍ بېلابېلې برخې وې. دا قرآني پیښه د حج د زیارتوالو ترمینځ د غوره تلاوت کونکو او حافظانو د پیژندلو او ستاینې او په دې معنوي سفر کې د قرآن د اغیزو د پیاوړتیا موخه درلوده.
https://iqna.ir/fa/news/4287418
